പരിണാമം
തല ഇരിക്കുമ്പോൾ വാൽ

ആടിയതിനാലാണോ
പല്ലിക്ക് വാൽപോയത്

തിരിച്ച് മുളയ്ക്കുന്ന പല്ലിവാൽസൂത്രം
തപ്പി പിടിച്ചാൽ പിന്നെ
പോയതെന്തും തിരിച്ച് മുളപ്പിക്കാമോ?

തിരിച്ച് മുളയ്ക്കുന്നഭാഗങ്ങൾ വന്നാൽ
പിന്നെ മനുഷ്യരെല്ലാം
ഗൗളികളാവൂലേ

അപ്പോൾ പിന്നെ ശകുനം
കാണിക്കാൻ- സ്വയം
ചിലയ്ക്കാലോ


ഉത്തരം മുട്ടുമ്പോൾ
കൊഞ്ഞനം കുത്തി, ഉത്തരം താങ്ങി
അഹങ്കരിക്കാലോ

അഹങ്കാരം അഹന്ത
അരോചകം അപ്രാപ്യം
അചിന്ത്യം

അഹം ബ്രഹ്മ) സ്മി.....

(ഒന്നുമറിയാതെ
പാവം
പല്ലി)
      -.-
ലസിൻ