പുതുസൂത്രവാക്യങ്ങൾ

ഈ പരിണയം
പഴകി ശീലിച്ച സൂത്രവാക്യങ്ങളുടെ പൊളിച്ചെഴുതാണ്
പുതിയ സമവാക്യങ്ങളിൽ
ഞങ്ങൾ ചില്ലകൾ
മക്കൾ വേരുകൾ.
 വിപ്ലവാഗ്നിയിൽ ഒന്നിച്ച്
പുറപെട്ട യാത്രികർ...
എതിർദിശകളിലാണെന്നറിയാതെ
ഞങ്ങൾ പേറിയത്
 ഭൂതഭാണ്ഡങ്ങളും ഇന്നിൻ പരിഭവങ്ങളും...
യുഗാന്തരങ്ങളിൽ വിഫലമീയാത്ര എന്നറിയുകിലും
 മക്കളെന്ന വേരുകളിൽ
പിണഞ്ഞൊന്നായ്നിൽക്കുന്നു....
സൂത്രവാക്യങ്ങൾ മാറിയതറിയാതെ
അവരും.......