Soumya.      
Years back I wrote this for Soumya....names keep changing... Its the same story again and again..
നീ തന്നെ ഭാഗ്യവതി, സൗമ്യേ
കാമം മൂത്ത അരക്കയൻ മാർ നിന്റെ ജീവിതത്തിലിനി കയറി ഇറങ്ങില്ല
നിലയ്ക്കാത്ത ചൂളംവിളിയുമായ്
നിന്റെ ജീവിത കംപാർറ്റ്മെന്റുകൾ
കാമവെറിയൻമാർ കൊത്തിവലിക്കില്ല
ആഗ്രഹിച്ചിടതെത്തുന്നതിന് മുമ്പ്
ചങ്ങല വലിച്ച് നിർത്തിയ നീന്റെ ജീവിതം
ആഘോഷിക്കാൻ ചാനലുകൾ നെട്ടോട്ടമോടും
അല്പവസ്ത്രധാരിയായി മലയാലം കൊഞ്ചുന്ന സുന്ദരി
റിയാലിറ്റി ഷോ ക്കിടയിൽ ബ്രേക്ക്ചെയ്തേക്കും
ട്രാക്കിൽവീണ നിന്റെ ചോര തുള്ളികൾ
നക്കി കുടിച്ച കാപാലികൻ കവർന്നെടുത്ത
നിന്റെ ഫോണിൽ ലവ് കംപാറ്റിബിലിറ്റിയും
വാലൻറൻ മെസേജും വന്നു കോണ്ടേയിരിക്കും
ദൈവത്തിന്റെ സ്വന്തമായ ഈ നാട്ടിൽ
അര മുക്കാൽ മുഴുകൈയൻമാർ
ആയിരം കൈകളായ് പിച്ചിചീന്തിയ
ഞങ്ങളുടെ ജീവിതം പാളം തെറ്റി കിടക്കുന്നു
അതു കൊണ്ട് തന്നെ സൗമ്യേ..നിന്റെ ശരീരത്തിൽ ജീവൻ തുടിക്കാതിരിക്കാനായ് ഞങ്ങൾ പ്രാർത്ഥിക്കുന്നു....-
അരചാൺ വയറിനായ് എസ്കലേറ്ററുകളും
തീവണ്ടികളും ഇനി ചാടിയേറണ്ടതില്ലല്ലോ
നീ തന്നെ ഭാഗ്യവതി സൗമ്യേ.....